🐶寵物喺好多人嘅心目中，就好似親人一樣。但毛孩同人一樣, 年老嘅時候身體會有好多毛病，身為主人，當然希望可以俾到適當嘅關懷❤️同照料，陪伴佢哋安享晩年。

​

而動物社企就積極為年長、有復健需要嘅🐱貓狗🐶、退役犬提供適切嘅復健醫療👩‍⚕️服務，希望可以減低毛孩因為年老殘障而需要安樂死👼。

​

動物社企係一間提供寵物復健、美容、日間托管、健康體重管理、日常護理及教育的綜合寵物🐕中心。佢哋仲積極開辦相關嘅寵物護理課程📝同推廣教學、協助領養流浪貓🐱同舉辦不同嘅義工訓練同活動。